ԵՊՀ տնտեսագիտության և կառավարման ֆակուլտետի գիտավերլուծական կենտրոնը   Data Science for Business մագիստրոսական ծրագրի շրջանակներում իրականացնում է կարճաժամկետ դասընթաց «R ծրագրային փաթեթ սկսնակների համար»:

Դասընթացի նպատակը

Դասընթացի նպատակն է կարճ ժամանակահատվածում սովորեցնել R ծրագրի հիմունքները՝ առանց բարդ մաթեմատիկական նախնական գիտելիքների: Այս ինտենսիվ դասընթացի նպատակն է ունկնդիրներին տալ գիտելիքներ, ինչը թույլ կտա մասնակիցներին ինքնուրույն լուծել խնդիրներ R—ի օգտագործմամբ։

Դասընթացի նկարագրությունը

Դասընթացը իրականացվելու է ԵՊՀ տնտեսագիտության և կառավարման ֆակուլտետի գիտավերլուծական կենտրոնի համակարգչային լաբորատորիայում, որտեղ յուրաքանչյուր ունկնդրին կտրամադրվի առանձին համակարգիչ: Խրախուսվում է մասնակցությունը դասընթացին սեփական նոութբուկներով: Դասընթացը ամբողջությամբ կառուցված է լինելու իրական օրինակների դիտարկման և քննարկման վրա:

Ո՞վ կարող է մասնակցել

Դասընթացին կարող են մասնակցել բոլոր այն հետազոտողները և կառավարման ոլորտում աշխատող մասնագետները, ովքեր ցանկանում են իրենց աշխատանքներում օգտագործել ժամանակակից վերլուծական մեթոդներ և ծրագրեր:

Դասընթացին կարող են դիմել  ցանկացած ոլորտի մասնագետներ, դրա համար անհրաժեշտ են ընդամենը համակարգչային նվազագույն գիտելիքներ (օրինակ՝ ծանոթություն Excel-ին) :

Դասախոս

Դասընթացը վարելու է ԵՊՀ տնտեսագիտության և կառավարման ֆակուլտետի տնտեսագիտության մեջ մաթեմատիկական մոդելավորման ամբիոնի պրոֆեսոր Ռուբեն Ալբերտի Գևորգյանը: Ռուբեն Գևորգյանը ֆիզիկա-մաթեմատիկական գիտությունների թեկնածու է, տնտեսագիտության դոկտոր: Ունի ֆինանսական ռիսկերի կառավարման միջազգային սերտիֆիկատ (FRM): Պրոֆեսոր Ռուբեն Գևորգյանը ԵՊՀ-ի տնտեսագիտության և կառավարման ֆակուլտետի  «Տվյալների գիտությունը բիզնեսում» մագիստրոսական ծրագրի ղեկավարն է, նրա գիտական հետաքրքրությունները վիճակագրության և էկոնոմետրիկայի ոլորտում են: Պրոֆեսոր Ռուբեն Գևորգյանը  դասախոսում է նաև Հայաստանի  ամերիկյան համալսարանում:

Թեմաներ

Դաս1. R և R ստուդիո ծրագրերի նկարագրություն և համակարգչի վրա տեղադրելը: R-ով էլեմենտար հաշվարկների իրականացում:

Դաս2. R-ում տվյալների մուտքագրումը և այլ ծրագրերից տվյալների ներմուծումը: Տվյալների բազայի ստեղծում R-ի միջոցով:  Տվյալների մաքրում և տվյալների վերափոխում:

Դաս3. Տվյալների վիզուալիզացիա  R-ի միջոցով, toolbox-երի օգտագործումը R-ում:

Դաս4. Նկարագրական վիճակագրության մեթոդներով վերլուծական խնդիրների լուծում:

Դաս5. ggplot փաթեթի միջոցով տվյալների վերլուծություն և վիզուալիզացիա:

Դասընթացի տևողությունը

Դասընթացը բաղկացած է 5 հանդիպումներից, օրական 2 ժամ՝ ընդմիջում 5 րոպե: Դասընթացի անցկացման ժամերն են 18։30-ից մինչև 20։00:

Դասընթացի անցկացման վայրը

Դասընթացները կանցկացվեն ԵՊՀ տնտեսագիտության և կառավարման ֆակուլտետի գիտավերլուծական կենտրոնի  համակարգչային լսարանում:

Դասընթացի արժեքը

Դասընթացի արժեքն է 65000 (վաթսունհինգ հազար) ՀՀ դրամ (ներառյալ ԱԱՀ):

Դասընթացը հաջող ավարտելու դեպքում տրվում է սերտիֆիկատ: 

Մանրամասն տեղեկությունների համար զանգահարել 096 80 44 60, 098 99 80 55, 010 710 668, 060 710 680 կամ գրել sahmanadrakan_tntesagitutyun@mail.ru հասցեին:

Հասցե՝  Աբովյան 52, ԵՊՀ տնտեսագիտության և կառավարման ֆակուլտետ (Սև շենք)


Գրանցվելու համար սեղմել՝

https://www.questionpro.com/t/AVDhAZr3kP