Մեր մասին
Ձեռներեցության զարգացման կենտրոնը կոչված է մայր բուհում ստեղծելու ոչ ֆորմալ կրթական-խորհրդատվական համակարգ, որը կնպաստի ուսանողների նորարարական բիզնես գաղափարների կյանքի կոչմանը և զարգացմանը:
Կենտրոնի ստեղծման աշխատանքներն սկսվել են դեռևս երկու տարի առաջ ԵՊՀ պրոռեկտոր Ռուբեն Մարկոսյանի նախաձեռնությամբ, և ահա անցած տարի ԵՊՀ հոգաբարձուների խորհուրդն ընդունել է ԵՊՀ նոր կառուցվածքը՝ հաստատելով Ձեռներեցության զարգացման կենտրոնի հիմնադրումը:
Կենտրոնի գործունեություն ունի երեք հիմնական ուղղություն՝
- Ֆորմալ կրթություն. նպաստել ուսումնական ծրագրում ձեռներեցության վերաբերյալ առարկայի ընդգրկմանը,
- Ոչ ֆորմալ կրթություն. իրականացնել թրեյնինգներ, սեմինարներ և աքսելերացիոն ծրագրեր համալսարանականների համար,
- Աջակցություն սկսնակ բիզնեսներին. իրավաբանական, հաշվապահական և այլ մասնագիտական խորհրդատվություն և ֆինանսական աջակցություն:
ԵՊՀ Ձեռներեցության զարգացման կենտրոնը գտնվում է ԵՊՀ գլխավոր մասնաշենքի չորրորդ հարկում, Հունագիտության կենտրոնի հարևանությամբ և բաց է նոր գաղափարների և համագործակցության համար: