ԵՊՀ Սահմանադրական տնտեսագիտության գիտավերլուծական կենտրոնի հերթական սեմինարը նվիրված էր դիսկրետ փոփոխականների դասակարգման որոշ մեթոդների ուսումնասիրությանը: Սեմինարին զեկույցով հանդես եկավ պրոֆեսոր Ռուբեն Գևորգյանը:

Սեմինարի առաջին մասը նվիրված էր օբյեկտների ճանաչողության և դասակարգման մեթոդների քննությանը: Նշվեց, որ դրանք լայն կիրառություն ունեն գիտության տարբեր բնագավառներում: Դիսկրետ մոդելավորման մեթոդների օգնությամբ կատարվում են բազմապիսի թեստային հետազոտություններ, որոնց նպատակն է դասակարգել տարբեր օբյեկտներ և գնահատել դրանց կարևորության աստիճանը:

Սեմինարի ընթացքում առա­ջադրվեցին  մի քանի մոտեցումներ օբյեկտների ճանաչողության, դասա­կարգման և կառավարման վերաբերյալ:

Բանախոսը նշեց, որ ախտորոշող թեստերի և փակուղային թեստերի վրա հիմնված հայտնի մեթոդները ոչ միշտ են հնարավորություն տալիս լուծել պրակտիկ խնդիրներ: Մասնավորապես, սահմանադրական տնտեսագիտությունում մի շարք խնդիրներ են առաջանում, որտեղ հայտանիշները ընդունում են 2-ից ավելի արժեքներ: Բանախոսը առաջարկեց այդ խնդիրները լուծել «համընկնումների մատրիցների» միջոցով:

Սեմինարն ավարտվեց հարցադրում-քննարկումներով: