ԿՐԻՊՏՈԱԿՏԻՎՆԵՐ. ՀԵՌԱՆԿԱՐՆԵՐ ԵՎ ԿԱՐԳԱՎՈՐՈՒՄՆԵՐ
ԵՊՀ Սահմանադրական տնտեսագիտության գիտավերլուծական կենտրոնում հերթական գիտական սեմինարն էր:
Զեկուցում էր Մհեր Մանասյանը «Կրիպտոակտիվներ. հեռանկարներ և կարգավորումներ» թեման:
Բանախոսը ելույթի սկզբում ներկայացրեց կրիպտոգրաֆիայի զարգացման փուլերը՝ ընդգծելով, որ դրանք սկիզբ են առել դեռևս մ.թ.ա. 3000-ականներին, այնուհետև՝ կրիպտոարժույթների տեսակները:
Անդրադարձ կատարվեց նաև կրիպտոակտիվների գործածության առավելություններին և թերություններին՝ նշելով, որ հիմնական առավելությունների շարքին կարող են դասվում տեխնոլոգիական առաջընթացը, կրիպտոակտիվներով առք ու վաճառքը, ներդրումների ներգրավվումը և կառույցներում կառավարման համակարգի արագության և անվտանգության մակարդակի բարձրացումը:
Իսկ կրիպտոակտիվների գործածության թերություններից բանախոսն ընդգծեց մայներների եկամտի կորուստը, տրանսակցիոն գաղտնիության բացակայությունը և մարդ – տեխնոլոգիա – երկիր պարադոքսը:
Սեմինարի վերջում բանախոսն արաջարկեց ՀՀ-ում ստեղծել հանձնաժողով կրիպտոակտիվների կիրառման կարգավորումների մշակման համար, ինչպես նաև կազմակերպել դասընթացներ սպառողի վարքագիծը որոշակի կառավարելի դարձնելու համար:
